الحب والمنفى

لماذا يضرب العربجي الحصان

أو

الحب والمنفى

شفيق: وبعد ما اديت الأمر Fire بضرب بعيني..
- نعم؟
- بضرب بعيني فيها حاجة؟
- لا لا.. ما شاء الله.. المهم؟
- بضرب بعيني لمحتها، صورتها كلبشت في قلبي..
- آآى
- فيه حاجة؟
- لا لا أبدا كمل سعادتك
- شوية ولقيت واد من بتوع فرق الكاراتيه بارك فوقها وخلاص هايغتصبها، أنا بيني وبينك شفتها عريانة قلبي دق!
- واضح إن سعادتك رومانسي !
- امال؟ المهم رحت مقوم الواد من عليها وراميه على واحدة ست عجوزة، وخدتها من ايدها وهي بتعيط زي الولايا ووصلتها بيتها في المعادي بالعربية المصفحة اللي مليانة بشر ورا
- وسيادتك ناوي على ايه ؟ تعتقلها؟
- انا ناوي اتجوزها أنا بحبها ماتتصورش رجلها بيضا ازاي ولا .. مش ممكن مزة مزة يعني...
.......

يضرب الباب بعنف: افتحوا .. افتحوا الباب .. المكان كله محاصر
يفتح الأب وهو يتثاءب: مين؟
يدفعونه ويدخلون
- هي فين؟ هي فين؟
- هي مين وانتوا مين؟
- فتشوا البيت وهاتوها
- يدخل 3 من الأمناء الغرف الداخلية ويعودون بالأم والاخت وبها في ملابس النوم: حد في دول يا فندم؟
يمر عليهن متفحصا وهن يكدن يتساقطن من النعاس.. يقف طويلا أمامها
- هي دي.. تبقى الشقة مظبوطة .. رجعوهم.. وانتى تعالى معايا يا عمي.
ياخذون الاب ويجلسونه في الصالون
- احب اعرفك بنفسي انا المقدم: شفيق الحديدي من جهة امنية- يشير إلى احدهم – وده عمي اللوا هادي الحديدي – وإلى آخر – وده خالي العميد رفيق البارودي، جايين نطلب ايد بنتك.. بنتك ها.. الناشطة السياسية بتاعة المظاهرات ها؟ .. ده الكارت بتاعي وده امر اعتقال .. ياللا بينا.. ورايا يا رجالة..
...

يتمشى معها على الكورنيش
- انتي عارفه مبنى التليفزيون ده من اهم النقط الاستراتيجية في البلد وعشان يتأمن لازم.. مالك؟
- ....
- تاكلي ترمس؟
- ....
يتناول طبقين ، يقدم لها أحدهما ويمضي فينادي عليه البائع: الفلوس يا بيه
- الفلوس ؟ ها طيب
يخرج لاسلكي ويتكلم فيأتي على الفور رجال البلدية حاملين عربة الترمس بالبائع
- الترمس لذيد كلي كلي.. ايه رأيك نعمل الفرح في نادي الشرطة ولا في فندق أحسن؟
- ....
..........

تتوقف السيارة امام منزله الجديد يفتح له أحد العساكر حاملا له الحقيبة. يصل لباب شقته فيضرب له عسكري الحراسة تعظيم سلام، يرن الجرس فيفتح له احد العساكر وينحني خالعا له الحذاء: العشا جاهز يا باشا.
يدخل غرفة النوم فيجدها تشاهد التليفزيون فيصعق: الجزيرة ؟ بتتفرجي ع الجزيرة؟ القنوات المعادية دي ماتتفتحش في بيتي داكور؟ أن جايب الدش عشان نشوف القنوات الأوربية، روتانا، دريم واحد واحد بس اوكيه لكن الجزيرة امبوسيبل!
يضغط زر الريموت على قناته المفضله - الأولى -
- الله "حالة حوار" اهي هي دي البرامج ايش لابا ديشه فيري ماتش.
- ....
- مبهورة طبعا باللغة أصلهم بيدونا كورسات عشان هاترقى لمكان تاني.
- ....
- في مصر برضه بس مكان سري، اللي أقدر أقوله اني بدل ماهتعامل مع المصريين الأوباش هاتعامل مع جنسيات كتير بس بنفس وظيفتي.. هابقى عالمي انترناسيونال انتركونتننتال سميراميس.
- ....
...........

- مش عاوزه تعترفي طيب
(يقرب طرفي سلك كهربي من جسدها العاري)
- ها انطقي الواد ده ابن مين؟ الواد مافيهوش أي شبه مني ثم طالع متخلف لمين؟ انطقي
(صراخ)
...........

- آي ول ترافيل أبرود
- ..
- عقد عمل
- ..
- اميركا
- ..
- دايما بنساه مكان غبي غبي اسمه جوانتي نعسوا
- .
- يس ييس جوانتي ناموا
- ..
- زيي شووز مي من بين اول زا ستاف
- ..
- حبيب حبيبي (يحتضنه) مش عارف من غير جهاز كشف الكدب وتحليل الدي ان ايه كان زمانك فين دلوقت انت وامك
( الولد يحتضنه و دموعه البريئة تتهادى على خده ثم يواجهه ويبصق عليه)
........

- ناس خرعة أنا ذنبي ايه؟
- هو حصل ايه يا فندم
- 25 واحد فطسوا وانا بستجوبهم رغم اني كنت حنين جدا معاهم
- وايه المشكلة؟
- تحقيق بقه وقرف وسمعت انهم هيقفلوا المكان كله
- ليه كل ده
- دلع .. مفيش احسن من المصريين رجاله بصحيح
- آآى
- فيه حاجة؟
- لا لا أبدا كمل سعادتك
- اه انت لسه متعلق انزل يا راجل ده احنا صحاب انت مش مجرد معتقل عادي يا دكتور
- ..
- مش عارف اعمل ايه؟ هي دي اخرتها؟. .. ليه كل ده يجرالي؟ يمكن عشان بحب الحقيقة وبكره الكدب.. ليه الناس بتحاول تخبي الحقيقة؟ ولا يمكن عشان بكره الهرجلة وبحب النظام هو فيه حد يكره النظام؟!
- طبعا لأ
- طب ليه؟ بدل مايكرموني على مجهوداتي يحولوني للتحقيق ويوقفوني عن العمل صحيح أخرة خدمة الغز..
- وسيادتك ناوي على ايه؟
- مش عارف أعمل ايه أنا شغلي كل حاجة في حياتي مش متخيل نفسي من غير شغل
- أنا عندي حل
- انطق اعترف بسرعة
- حاض حاضر بس سبني... سيادتك شفت مسرحية البهلوان
- دي مسرحية ضد البلد؟
- لا لا مش قصدي، دي مسرحية ليوسف ادريس كان بطلها رئيس تحرير بيعاني من التناقض في حياته فعشان يتوازن كان.........

........

شفيق يفاجأ برؤسائه وزملائه المتقاعدين في المكان فيشعر بالألفة،

يعطيه أحدهم كرباجا ويسلمه عربته بعد أن يتخفى في زي مختلف،

يركب في الأمام وبضربة من كرباجه تسير العربة!
يبدأ استجوابه
- كنت فين امبارح سعت 1430 ؟
- ....
- كنت بتعمل ايه قدام نقابة المحامين ؟
- ...
- مش عاوز تنطق طيب

(يلهب ظهر الحمار بالكرباج والحمار يتأوه!!!!)

انتهت في 22/2/2009

طارق رمضان