الثواني بتتسرسب
من جيب بنطلوني المخروم
والساعات ساعات بتدوب
في ليل الملل
وساعات تضيع
وملاقيش حد يبعتها
ف صندوق البوستة المصدي
أيامي اللي شبه بعضيها
بتوه فيها
والأسبوع يخلص في يومين
يا سنين ضاعات
ويا سنين جايه
تزوغ مني
نفسي أوقف عقرب الساعة
ياخد نفسه
وآخد نفسي
هناك ٥ تعليقات:
نفسي أوقف عقرب الساعة
ياخد نفسه
وآخد نفسي
....
وأنا كمان نفسي
ولكن زي ما قال واحد صاحبنا الساعات...
"تُصر على احتلالك"
تسلم إيدك يا باشمهندس
آه
مؤلمــة !!ـ
حـلوة قوي ..
ومُـرة قوي !
للآسف الوقت معندوش وقت يستنى
أد أيه بيوجعني مرور عمري الفترة الأخيرة دي .. وكأنه .. وكأنه بيتسلق جبل (أنا) مفهوش مكان لأقدامه والطريقة الوحيدة علشان يطلعه هي أنه يثبت نفسه على الطريق كل خطوة بضربة فاس
إرسال تعليق