عارف لما تكون شغال على ويندوز ميلينيوم
وتتنقل على XP
عارف لما تكون بتحاول تعوم في قناية
وتطلع ع البحر
عارف لما عايش على نور عود كبريت قرب يخلص
وتخرج للشمس
هو ده احساسي ...... حتى الآن
.
لقد اتخذت قرارا أرجو منكم جميعا أن تعينوني عليه
لقد قررت أن اتنحى فورا ونهائيا
عن أي منصب حكومي أشغله الآن
وأن أعمل في القطاع الخاص
كانت العزيزة المغمورة هبة خيري بتقول ان اللي شغال في الحكومة بيبقى باشمهندز أما اللي في القطاع الخاص فهو مهندس
بعد الخروج - مؤخرا - من الحبيبة ( امبابه ) على رأي المغمور ابراهيم عادل
والسكن في فيصل ( سنة الحياة )
وبعد الخروج من الحكومة
مش عارف هخرج منين تاني؟
ده انا خايف خايف خايف وحاسس بالخطر - على رأي منير
ط
هناك ٦ تعليقات:
انا فاهمة كويس اوي الفرق..
الفرق بين انك تبىق مهندس .. او مهندز ..!
الفارق الكبير بين الحكومة .. و بين القطاع الخاص ..
انا مسانداك في القرار دة ..
لأني خدته قبلك .. و بامانة شديدة .. جداً..
المهم الاحساس بالتقدير و الأمان ..
و ان شاء الله هتلاقيهم في القطاع الخاص .
و ربنا يوفقك .
السلام عليكم ورحمة الله وبركاته
كيف الحال ؟
يا رب دائماً بخير وصحة وسعادة كما يحب ربنا ويرضى .
طيب بعيداً عن تشبيهك الأول الخاص بالويندوز [ما هو كله ويندوز سواء ME أو XP التشبيه يبقى أحسن لو سبت منصة الويندوز واشتغلت على لينيكس :)]
ربنا يوفقك للخير .. خطوة أتمنى أن تكون للأمام ..
بالتوفيق يا بشمنهدس [بال (س) مش بال (ز)]
تحياتي
ابو عبد الله عمر محمود هاني
ولا يهمـــك يا باشا
قدها وقدود :) بس مبروووك على فكرة
دي حرية وتحرر ... وحاجات كثييير
يا باشا ألف مبروك .. وصدقني الحكومة ميتبكيش عليها.. إنت النهارده سبتها ويا رب بكره هي تسيبنا
يا لهوي ع الجراءة!!!!!!
سبت الحكومة يا طارق!!
يا امامنا يا قدوتنا..ايه العظمة دي
يا بختك يا بختك عقبالي ياااارب
احم
مش عاوزين عمال؟؟؟
بعد السلام عليكم
كويس انكم فهمتوني
كنت أقصد طبعا الحرية وانطلاق الطموح بعيدا عن الجمود الحكومي.. مش لأن المكان الجديد مايكروسوفت والقديم مصلحة المجاري بالعكس يمكن القديم كان فيه حاجات أحدث.. اللي قصدته بالفعل هو التخلص من ذلك الخوف المتخفي في ثوب الأمان والاستقرار.. وبالفعل عقبال ماتسيبنا.. ألف شكر لشيماء على الزيارة الأولى من سبقتني في هذا القرارولهناء من سبقتها في هذا القرار.. وطبعا لهيما المغمور النشيط وشكرا على موضوع الدستور.. وللزائر الجديد الفقري بروكن نايت .. وكل الشكر لعمر صاحب مدونة مش فاهم وبالمناسبة هو من ساعدني في انشاء هذه المدونة يعني هو اللي دخلني عالم التدوين ممكن تدعوا عليه!
ط
إرسال تعليق