عباقرة 1

عبقري1:
هناك أناس يرتبكون ولا يستطيعون القيام بعملين في الوقت نفسه، وهناك من يستطيع بعد تدريب ولأي. لكن الذي يستطيع القيام بكل هذه الأعمال في وقت واحد هو –بالتأكيد- ذو قدرات خاصة، وأستطيع التسليم - بضمير مستريح- بأنه عبقري:

- فيه ناس بتسوق عربياتها وده محتاج تركيز والقانون بيأكد على ده وخلا اللي يتكلم في الموبايل يدفع غرامة فورية على اعتبار ان ده مخالفة .
- في الاتوبيسات والميني باصات فيه محصل / كمساري وفي بعض الميكروباصات هناك تباع ينادي ويلم الأجرة
- هناك من يركب الاتوبيسات المزدحمة مخصوص من أجل التلاحم مع الجماهير والاحتكاك المباشر مع الشعب – الحريم او الرجال مؤخرا– ويجد متعة كبيرة في ذلك!
- في الطريق هناك شرطة مرور وبلطجية الكارتة عليك – كسائق ميكروباص- بالتعامل معهم اما ان تتهرب منهم و تحذر غيرك منهم أو تدفع لهم
- ليس هناك بد من عمل الغرز والوقوف في عرض الشارع وتحمل الشتائم وربما المشاجرات التي تنتج عن ذلك!
- فيه ناس بتحب تقضي وقتها في السماع – قرآن / أغاني – وفيه ناس اشتراكيين بيحبوا يشركوا غيرهم – عنوة – في السماع!

طب اللي يعمل كل الحاجات دي في نفس ذات الوقت يبقى ايه؟

سائف ميكروباص من غير تباع
بيراقب الطريق ويعمل غرز وينادي- بولاق خشب / امبابه/ كيت كات/ وراق/ .. الخ – ويقف يركب ويلم الأجرة ويرجع الباقي من غير ما يغلط ويحتك بدراعه بكتف اللي تعمد يحجزلها مكان جنبه، ويشتكي حاله أويتكلم في السياسة مع احد الركاب ويشتم سواقين العربيات التانية وياخد باله من شرطة المرور ويتخانق مع بعض الركاب والسواقين وفي نفس الوقت بيرد ع الموبايل وهو بيسمع - طارق الشيخ / عبد الباسط حمودة- من الكاسيت اللي معليه ع الاخر!
اييييييييه
ده أكيد مش عبقري بس
ده أعبقر انسان في الكون

ط