عشرة أسباب لإختيار GM
لمحت هذا العنوان في صفحة أخبار السيارات
فتساءلت متعجبا : هل بدأت الحملة الإنتخابية للتوريث مبكرا ؟؟
وتخيلت ما تحت هذا العنوان:
1- الناصريين هيشجعوا جيمي لأن اسمه على اسم الزعيم الخالد أبو خالد !
2- النصارى هيشجعوه لأنه سيصبح هناك مبارك: الأب والإبن يبقى فاضل الروح القدس وتكمل الأقانيم !
3- أنصار أمريكا هيشجعوه لأنه بيفكرهم ب بوش الأب والابن واحنا مش أقل من أمريكا
4- الاقتصاديين هيشجعوه حتى يتم توفير تكلفة تغيير اللافتات واللوحات الرخام حيث سيكتفى بوضع حرف "جيم" قبل مبارك أو إضافة " الإبن " بعده
5- الناخبين هيشجعوه لأن المنافسين له سيكونون رفعت السعيد وزكي جمعة !
6- الطباخين هيشجعوا جيمي لأن ساعتها زيتنا هيبقى في دقيقنا يبقى فاضل البيض والكيكة تكمل !
7- المهندسين هيشجعوه لأنه هيبقى لأول مرة الريس بتاعنا " مدني" !
8- هاني رمزي هيشجعه لأنه عمله فيلم " غبي منوفي "
9- مش لاقي أسباب تانية
هناك ٧ تعليقات:
جامدة جدا جدا جدا يا طرّوق
حمد علي سلامتك يا ريس
وكل سنة وانت بكل خير
لأ جامدة بجد
حلوة قوي يا باشمهندس:)
انا مش لاقية اسباب اولانية عشان الاقى اسباب تانية
اهو جيمى دة بيفكرنى باعلانات كوكاكولا
اللى مالهومش اختيار بيشجعوا جيمى..واحححححححنا معاهم
باشمهندس طارق
تسلم ايدك يا ريس
:)
سقراط: حمدا لله على سلامتك أنت أيضا
هناء: كيف حالك؟ أراك قريبا ان شاء الله على خير
مروة: منورة المدونة يا فندم
انجي: لأ واحنا مش معاهم
مصطفى : بالهنا والشفا يا باشا
أولاً المدونة دي متراقبة و لا لأ؟
عشان بس نضمن إن النت مش هيفصل و لا النور هيقطع زي الجوازة بتاعة التدوينة اللي لسه قارياها.
ثانياً الناس كلها عمالة تقول يا ريس يا ريس...هل هذا معناه إن التوريث هيلغوه و الريس سابلك البلد قبل ما يسافر؟
ثالثاً المدونة حلوة خالص و بصراحة محبتش أسيبها من غير ما أعلق
رابعاً تبرعوا بزيارة و لو خاطفة لمدونتي
و تعليق صغير يمنع بلاوي كتيرة و هنيالكم يا بتوع المدونات
رانيا مسعود
bannotamisria.blogspot
إرسال تعليق